انتبهو لاحد يطلع سيارة عن طريق بنك الراجحي اويأمن عندة

ياخي فكرة التاجير المنتهي بالتمليك ممتازه جدا لاكن طبيقها عندتا سئ
جدا انا مدري ليش مدامهم اخذو حقوقهم من الناس ليش مايعطون الناس حقوقها
والله البنوك وموسسات التاجير المنتهي بالتمليك وشركات التامين يبيلهم 
التفات من ولاة الامر

اخي الكريم اخالفك الرأي في انا الراجحي اعلى نسبة

. بالعكس اقل نسبة عندهم انا توني ماخذ سيارتي قبل شهرين من عندهم جلست شهر وانا افر البنوك واحد واحد واقل نسبة لقيتها عند الراجحي وتوكلت على الله والحمدلله. اما بخصوص التأمين ماادري عنه

اخالفك الرأي انه أعلى نسبة .اولا الراجحي اقل نسبة بين كل الشركات والبنوك للعميل اللي راتبه عليه
ثانيا التناااازل فتحووووووووه وهذا كلام رسمي عبر موظف الرد على المكالمات وأتصل وتأكد لو تبي انا مكلمهم قبل كم يوم 


والتأمين مدري عنه 
انا اعطيتك الصحيح بخصوص النسبة والتنازل 

تدرون يا أخوان أن نصف الشعب لدينا مديون للراجحي 

اسأل من حولك قريب زميل جار صديق ..  الأغلب بيقول لك إنه ما خذ من عند الراجحي يا سيارة بنظام التأجير أو تمويل .

مقوله عن الراجحي من شعبنا الكريم
الراجحي
يعطيك قرض زواج وسيارة وبيت
واخر شي اذا توفيت يغسلك ويكفنك مجاني
شعب ممتاز 
مملوك للراجحي
وياقلب لاتحزن

المشكلة الكبرى عند تأجير الراجحي هو التأمين
ماعندهم تأمين شامل بالمعنى المعروف
تأمينهم فكرته انه اذا سويت حادث وكان الخطأ عليك والسيارة تالف تدفع الفرق بين قيمة السيارة قبل وبعد
يعني لنفرض انه قيمة السيارة قبل الحادث 50 الف وبعد الحادث 20 الف لازم تدفع 30 الف للبنك عشان يسوون مخالصة فيما
بينك وبينهم والمخالصة تحتاج لها أكثر من شهر للأسف

التأمين الشامل فكرته تدفع قيمة تحمل فقط ويسقطون السيارة من اسمك
بينما تكافل الراجحي ليس بتأمين شامل إطلاقا

قلنا لكم اتركو عنكم الاقساط وخذلك سيارة 8 ب 10 ب 5 الاف لين ربي ييسرها لك

بالعكس الراجحي اقل نسبة حتى يفرق بالاقساط عن باقي البنوك حوالي 200 ريال 

اما بالنسبة للتأمين سمعت كثير يشتكون منه 

عموما اكثر شركات التأمين تماطل خويي صدم بسيارته وهو ماخذها من الاهلي والتامين سايكو قعد اكثر من 3 شهور ينتظر المخالصه 

اعرف شخص ارسل لهم اوراقه  من حائل الى  الرياض عند طريق البريد الممتاز يوم ضرب مشوار الى الرياض حصلهم ضيعو 

 اوراقه  وكل اشوي يماطلون فيه طبعن  مكتبهم الرئيسي  في الرياض مخرج 9  عند المزاد الدولي تقاطع الشيخ جابر 

 ولو تدخل الصاله زحمه  وناس  متراكمه  وموضفين  خشمه في نفسه  وهواش  واوراق  بكل مكان  

   حاله مزريه صراحه افشل تامين  بالعالم 

واقسم بالله العظيم
لو ما التاجير المنتهي بالتمليك ماكان احد فيكم قدر يطلع سياره جديده هالكلام لا اصحاب الدخل المحدود

اما شروط الراجحي الي تحذرون منها
بصراحه انتم شعب غريب
تحذرون من الراجحي وان شروطه معقده

طيب ليه ماتقرون العقد وتعرفون وش اللي لكم وش اللي عليكم  !!
يعني تدعمرون على عماها وبعد ماتصير مشكله تقولون الراجحي نصب علينا وعيا لايرجع السياره وتامينه زفت

محد جبركم عليه انتم موقعين بانفسكم وراضين عليه بس ماقريتوا شروطه
هذا يسمى تصرف غبي 

حطو ديس لايكم لين ماتشبعون
بس هذي الحقيقه

الغبي اللي يطلع سياره ومايدري عن شروط العقد
ثم بعدين تصير مشكلة ويجيك ينزل مقاطع فاليتويتب ويجلس يتبكبك ويقول الشركات والبنوك نصابين حاطين شروط ماتدخل العقل
انت لو عندك عقل كان قريت العقد وعرفت اللي لك واللي عليك وبعدين ارفض العقد 

اما ترمي نفسك عليهم عشان لعابك يسيل عالسياره تبي تطلعها وبس وتوقع على العقد بدون لاتقرا
فهذي مشكلتك انت تتحملها
والقانون لايحمي ال !!!!  كملوها عاد

الي جبرهم منحدين وحسبي الله ونعم الوكيل في المسئوليين الي يشوفون ولا يسوون شي 

خلنا نتكلم بالمنطق شوي
انتم تقول انهم منحدين
يعني ماخذين من الراجحي وعارفين شروطه

ليه راعي الموضوع كاتب ( نسبتهم عاليه ودفعه اخيره عاليه ) 
هذا يدل انه مو منحد وانه اخذ لاسياره ومايدري عن اي شي

يعني مافكرت تسئل عن النسبه والدفعه الاخيره الا بعد ما طلعت سياره
الم

مااحد ضربك على يدك وقاللك تعال خذ منه وبعض العملاء مغفل يوقع الاوراق بدون مايقراء سطر ياخذ السياره وبعد ماياخذها يكتشف شروط ماتعجبه من الاساس اقراء البنود واذاماعجبك شي منها اتركها

اعتقد ان الموضوع مكرر

أنا بقول نصيحه والله يأخوان قدر ماتقدر لاتاخذ سيارة منهي بالتمليك 
من اي بنك واي شركة ياخوان والله إنها نكبه لاصارة لك ضروف ولا شي 
تبلش شف موقع حراج أكثر الناس عارضه تنازل وسيارات جديدهـ 
توها بعضها ماكمل 6 شهور ماحسبوها صح ولافكروا بالامور المالية من جميع 
النواحي ويبلش في الاقصاد العالية والمؤخر ويندم في النهاية 
اذا كنت مضطر خذلك قرض واشتر سيارة ويصير قبيلك واحد وقصد واحد
لكن لمن ماتحسبها صح وتاخذ سيارة منتهية بالتملك وعندك قصد بنك وإجار وغيره تبلش
وماتوفي معاك فلا تستعجل في الا ونت حاسبها صح كم القصد وكم المؤخر 
كنت ماخذ سيارة إجار منتهي بالتملك المهم جلست معاي 2 سنتين وبقى سنتين
وينتهي العقد جتني دراسة خارجية قلت بدل ما أدفع خلني أرجعها للوكالة طلبوا على 
مبلغ فسخ العقد والكيلوترات وطلع علي مبلغ جامد قال لي الموظف بدل ماتدفع المبلغ 
هذا جيب واحد يتقبلها منك عرضتها واخذها واحد من اقربائي قالوا تنازل مافيه 
وصارت السيارة وملفها بأسمي بالشركة والشخص الي يدفع أقصادها سجلوه 
سائق أضافي وخلوه يكفلني كفالة غرم وأداء وطلبوا علية أستقطاع بنك غير قابل للألغاء 
هي الان مسجلة على بنظام سمه والشخص الي يستخدمها ماهو مسجل فقط سائق أضافي 
ويسدد أقساطها المتبيقيه 
نظام أنصح الي محتد علية إنه يقراء العقد حرف حرف ويحسبها صح 
ويشوف السيارة الي يبي ياخذها لاني اكلت مقلب عطوني سيارة كفراتها خربانه 
أنتبهوا يأخوان حبيت أعطيكم نصيحة مجرب 

الله يكفينا شر السيارات التمليك يعني اي سياره تأخذها تمليك لازم يكون مبلغ الفائدة عالي جدا مقارنة بسعره كاش وبعدين تجيك الدفعه الاخيره